নিউজ ডেস্ক। ক’ভিড-১৯ ভাইৰাছৰ সংক্ৰমণৰ দ্বিতীয়টাে ঢৌত বিৰূপ প্ৰভাৱ পৰিছে অসমৰ প্ৰতিবেশী ৰাজ্য অৰুণাচল প্ৰদেশতাে।
ক’ভিড -১৯ আক্ৰান্ত হৈ দেওবাৰে মৃত্যু হয় অৰুণাচল প্ৰদেশৰ প্ৰাক্তন মন্ত্ৰী ডিবাং টাটাক।
চিম্পুৰ এখন কভিড চিকিৎসালয়ত মৃত্যু হয় প্ৰাক্তন মন্ত্ৰী গৰাকীৰ। তেওঁ ক’ভিড-১৯ত আক্ৰান্ত হৈ যোৱা কিছুদিন ধৰি ভৰ্তি হৈ আছিল চিকিৎসালয়ত।
টাটকে ৰামগং বিধানসভা সমষ্টিৰ পৰা দুবাৰৰ বাবে বিধায়ক হৈছিল। খবৰ অনুসৰি টাটাক আছিল এজন মধুমেহ ৰােগী আৰু হৃদ ৰোগত আক্ৰান্ত ব্যক্তি।
উল্লেখ্য যে প্ৰাক্তন মন্ত্ৰী গৰাকীৰ মৃত্যুত টুইটাৰ যোগে শোক প্ৰকাশ কৰে অৰুণাচল প্ৰদেশৰ মুখ্যমন্ত্ৰী পেমা খাণ্ডু, উপ মুখ্যমন্ত্ৰী চৌনা মে, প্ৰাক্তন মুখ্যমন্ত্ৰী নবাম টুকি, বিধানসভাৰ অধ্যক্ষ পাসাং দৰ্জি চনা, কেন্দ্ৰীয় মন্ত্ৰী কিৰেন ৰিজিজু আৰু বহু কেইজন নেতাই।
Sad to know that former Minister Shri Dibang Tatak is no more. May God give his family members strength to bear the loss. My heartfelt condolences and may the departed soul rest in peace forever. pic.twitter.com/7gUzZj57h0
— Pema Khandu པདྨ་མཁའ་འགྲོ་། (@PemaKhanduBJP) May 23, 2021
মুখ্যমন্ত্ৰী পেমা খান্দুৱে কয় যে, “জানিবলৈ পায় অতি দুখ পাইছো যে প্ৰাক্তন মন্ত্ৰী ডিবাং টাটাক আৰু নাই। ভগৱানে তেওঁৰ পৰিয়ালক এই সময়ত শক্তি দিয়ক। আৰু তেখেতৰ আত্মাই চিৰশান্তি লাভ কৰক।”
