নিউজ ডেস্ক। এআইইউডিএফ প্ৰধান তথা ধুবুৰী লােকসভা সমষ্টিৰ সাংসদ মৌলানা বদৰুদ্দিন আজমলে নতুন দিল্লীত কেন্দ্ৰীয় গৃহমন্ত্ৰী অমিত শ্বাহৰ উপৰি জলশক্তি মন্ত্ৰী গজেন্দ্ৰ সিং শেখাৱতক সাক্ষাৎ কৰে।
বুধবাৰে দিল্লীত গৃহমন্ত্ৰীক সাক্ষাৎ কৰে আজমলে। তেওঁক সংগ দিয়ে সোনাই সমষ্টিৰ এআইইউডিএফ বিধায়ক কৰিম উদ্দিন বৰভূঞাই।
এই সন্দৰ্ভত টুইটাৰত আজমলে কয়, “আজি মই শেহতীয়া অসম-মিজোৰাম সীমা বিবাদ সম্পৰ্কত সোনাই সমষ্টিৰ বিধায়ক কৰিম উদ্দিন বৰভূঞাৰ সৈতে কেন্দ্ৰীয় গৃহমন্ত্ৰী অমিত শ্বাহক লগ কৰো। আমি ব্ৰিটিছৰ সময়ৰ পৰা অসম-মিজোৰাম সীমাৰ ঐতিহাসিক পটভূমি বিৱৰণ দি এখন স্মাৰক পত্ৰ প্ৰদান কৰো। আৰু কেনেকৈ মিজো লোকে অসমৰ ভূমি দখল কৰি আহিছে সেই বিষয়ে উল্লেখ কৰো।”
Today I have met Union Home Minister Shri Amit Shah ji along with Sonai MLA Karim Uddin Barbhuiya regarding the recent Assam-Mizoram border conflict. We submitted a memorandum explaining the historical background of Assam-Mizoram border from British era and how there has been pic.twitter.com/b9SrJ2I4px
— Maulana Badruddin Ajmal (@BadruddinAjmal) August 11, 2021
তেওঁ লগতে কয় যে, “আমি দাবী জনাইছো যে এই বিবাদ নিষ্পত্তিৰ বাবে তাৎক্ষণিকভাৱে পদক্ষেপ গ্ৰহণ কৰে। আৰু মিজো প্ৰশাসনক শান্তি বৰ্তাই ৰাখিবলৈ নিৰ্দেশ দিয়ে। অসমৰ ৬ জন অসম আৰক্ষীৰ জোৱান নিহত হোৱাৰ ঠাইত মিজো দিশৰ পৰা কোনো অপ্ৰীতিকৰ পৰিস্থিতিৰ সৃষ্টি নহয় বুলি তেওঁ নিশ্চিতি দিয়ে।”
I, along with a delegation, have met Union Minister for Jal Shakti, Govt. Of India, Shri Gajendra Singh Shekhawat this evening at his office, Sharm Shakti Bhawan in New Delhi. pic.twitter.com/OoOtBIM0x8
— Maulana Badruddin Ajmal (@BadruddinAjmal) August 12, 2021
ইপিনে, বৃহস্পতিবাৰে আজমলৰ নেতৃত্বৰ AIUDF দলৰ এটা প্ৰতিনিধি দলে কেন্দ্ৰীয় জলশক্তি দপ্তৰৰ মন্ত্ৰী গজেন্দ্ৰ সিং শেখাৱতক সাক্ষাৎ কৰে।
মূলতঃ ধুবুৰী লােকসভা সমষ্টিৰ এলেকাত প্ৰতিবছৰে বৰলুইতৰ বান-গৰাখহনীয়াই সৃষ্টি কৰা ধ্বংসলীলাৰ কথা সম্পৰ্কে তথ্য দাঙি ধৰি এই সমস্যাৰ স্থায়ী সমাধানকল্পে বিভিন্ন পৰামৰ্শ আগবঢ়ায় সাংসদ আজমলে।
