নিউজ ডেস্ক। বুধবাৰে ৰাজ্যৰ সতৰ্কতা আৰু দুৰ্নীতি নিবাৰক সঞ্চালকালয়ৰ বিষয়াই লক্ষীপুৰত এগৰাকী বন বিষয়া আৰু নগৰবেৰাত এগৰাকী লাট মণ্ডলক উৎকােচ লৈ হাতে-লােটে গ্ৰেপ্তাৰ কৰাৰ পিছতে বৃহস্পতিবাৰে পুনৰ এগৰাকী লাট মণ্ডলক ঘােচ লৈ থকা অৱস্থাত হাতে-লােটে গ্ৰেপ্তাৰ কৰে।
এইবাৰ ভিজিলেঞ্চৰ অভিযান চলিল চৰাইদেউ জিলাৰ সাপেখাটি ৰাজহ চক্ৰ বিষয়াৰ কাৰ্যালয়ত।
এগৰাকী সাধাৰণ নাগৰিকৰ পৰা কামৰ বিনিময়ত উৎকোচৰ ধন গ্ৰহণ কৰাৰ সময়তে ভিজিলেঞ্চৰ দলে হাতে লোটে কৰায়ত্ত কৰে সাপেখাটি ৰাজহ চক্ৰৰ লাট মণ্ডল হৰি প্ৰসাদ দাসক।
ইয়াৰ পিছতে লাট মণ্ডলজনক কাৰ্যালয়তে মাৰাথন জেৰা চলাই গ্ৰেপ্তাৰ কৰে অভিযানকাৰী দলটােৱে।
চৰকাৰী বিষয়াসকলৰ মাজত দুৰ্নীতিৰ বিৰুদ্ধে আমাৰ অদম্য অভিযান অব্যাহত আছে। আজি @DIR_VAC_ASSAM উৎকোচৰ ধন গ্ৰহণ কৰাৰ সময়ত হাতে লোটৈ আৱদ্ধ আৰু গ্ৰেপ্তাৰ কৰে, চৰাইদেউ জিলাৰ সাপেখাটি ৰাজহ চক্ৰৰ লাট মণ্ডল শ্ৰী হৰি প্ৰসাদ দাসক। বৈধ ব্যৱস্থা গ্ৰহণ কৰা হৈছে।@assampolice @CMOfficeAssam pic.twitter.com/eLxx8iUXQG
— GP Singh (@gpsinghips) August 4, 2022
এই কথা টুইট কৰি প্ৰকাশ কৰিছে অসম আৰক্ষীৰ বিশেষ সঞ্চালক প্ৰধান জি পি সিঙে।
লগতে চাওকঃ
ৰেঞ্জাৰৰ পাছত এইবাৰ মণ্ডল! ঘােচ লৈ জালত পৰিল ভিজিলেঞ্চৰ
