Site icon NEWS8 NE

শুই থকা অৱস্থাত মহিলাৰ কাষতে পৰিলেহি উল্কাপিণ্ড! কথমপি প্ৰাণৰক্ষা

নিউজ ডেস্ক। পৃথিৱীৰ বহুতো দেশত উল্কাপিণ্ড পৰাৰ বহুতো ঘটনা শুনিবলৈ পোৱা যায়। কেতিয়াবা ইয়াৰ মূল্য সম্পৰ্কে বহুতো অনুমান কৰা হয়।

কোৱা হয় যে এই উল্কাপিণ্ডবোৰ ইমান ব্যয়বহুল যে যিয়ে ইয়াক বিচাৰি পায় তেওঁ ধনী হৈ পৰে।

এইবাৰ কানাডাৰ এনে এটা ঘটনা পোহৰলৈ আহিছে, য’ত এগৰাকী মহিলা শুই থকা অৱস্থাত এটা উল্কাপিণ্ড আহি তেওঁৰ বিচনাত পৰে।

উল্কাপিণ্ডটোৱে মহিলাগৰাকীৰ ঘৰৰ চাল ভাঙি তেওঁৰ বিচনাত পৰিছিল।

ডেইলী মেইলত দিয়া এক প্ৰতিবেদন অনুসৰি, মহিলাগৰাকীৰ নাম ৰুথ হেমিল্টন। মহিলাগৰাকী ৰাতি যেতিয়া বিচনাত শুই আছিল, তেওঁ হঠাতে বিচনাত কিবা পৰি যোৱাৰ দৰে এটা ডাঙৰ শব্দ শুনিছিল। লগে লগে তেওঁ ভয়ত বহি দিছিল। তাৰ পিছতেই তেওঁ ওপৰলৈ চাই দেখে যে চালখন অলপ ফাটি আছে।

মহিলাগৰাকীয়ে সেই দৃশ্যটো দেখি আচৰিত হৈ পৰিছিল। ইয়াৰ পিছতেই যেতিয়া মহিলাগৰাকীয়ে তেওঁৰ বিচনাখনলৈ ঘূৰি চায়, তেতিয়া তেওঁ গাৰুৰ কাষতে এটা শিল পৰি থকা দেখা পায়।

প্ৰথমতে মহিলাগৰাকীয়ে বুজি পোৱা নাছিল যে সেইটো কি আছিল। পিছত তেওঁ বুজি পায় যে ই এটা উল্কাপিণ্ড আছিল। উল্কাপিণ্ডটো মহিলাগৰাকীৰ পৰা মাত্ৰ কেইইঞ্চিমান দূৰত পৰিছিল।

অৱশ্যে ইয়াৰ বাবে তেওঁৰ কোনো ক্ষতি হোৱা নাছিল। মাত্ৰ মহিলাগৰাকীয়ে খুব ভয় খাইছিল। ইয়াৰ পিছতেই মহিলাগৰাকীয়ে তেওঁৰ ঘৰৰ চাৰিওফালৰ মানুহক মাতিছিল।

প্ৰতিবেদন অনুসৰি, ঘটনাটো যোৱা ৪ অক্টোবৰৰ নিশা সংঘটিত হৈছিল। বৰ্তমান স্থানীয় লোকে মহিলাগৰাকীক ঔষধ যোগান ধৰি শুশ্ৰূষা কৰি আছে। স্থানীয় লোকে ঘটনাটো স্থানীয় প্ৰশাসনক অৱগত কৰে।

Exit mobile version