নিউজ ডেস্কঃ সুৰাৰ নিচাত বহুতে অনেক নোহোৱা নোপোজা কাম কৰে।
কোনোবাই যদি মদৰ নিচাত নিজকে বাহুবলী বুলি ভাৱিবলৈ লয়, আন কোনোবা আকৌ এখন্তেকৰ বাবে হৈ পৰে ইংৰাজীৰ প্ৰফেছাৰ।
কিন্তু এই সকলোবোৰৰ ওপৰলৈ উঠি এইবাৰ চলন্ত ৰে’লকে ৰখোৱাৰ চেষ্টা চলালে এজন সুৰাৰ নিচাত মাতাল যুৱকে।
ৰে’লপথত থিয় হৈ হাতেৰে ইংগিত দি এখন চলন্ত ৰে’ল ৰখোৱাৰ চেষ্টা সুৰাসক্ত যুৱকজনৰ।
এই ঘটনাৰ ভিডিঅ’ ইতিমধ্যে ভাইৰেল হৈ পৰিছে সামাজিক মাধ্যমত।
জানিব পৰা মতে, উত্তৰ প্ৰদেশৰ বৰেলীত সংঘটিত হৈছে এই ঘটনা।
ভিডিঅ’টোত এজন যুৱকক চলন্ত ৰে’লৰ সন্মুখত ট্ৰেকটোৰে খোজ কাঢ়ি যোৱা দেখা গৈছে।
ইয়াৰ পিছত যেতিয়া ৰেলখন যুৱকজনৰ ওচৰ পায়, তেতিয়া ৰে’লখন ৰখাবলৈ ইংগিত দি ৰে’ল লাইনৰ পৰা আঁতৰি যায় যুৱকজনে।
सोशल मीडिया पर ये वीडियो वायरल हो रहा है जहां ये व्यक्ति पटरी पर आकर चलती ट्रेन को रोकता है।
— Shubhankar Mishra (@shubhankrmishra) December 26, 2022
फिर ट्रेन चालक ट्रेन से उतर कर इस व्यक्ति के कान और गाल थप्पड़ से गर्म कर देता है। pic.twitter.com/niKlSVCn2X
এই দৃশ্য দেখি পাইলটে ৰে’লখন ৰখায়। কিন্তু অকাৰণত ৰে’ল ৰখিবলৈ ইংগিত দিয়া সুৰাসক্ত যুৱকজনক এশিকনি দিয়াৰ সিদ্ধান্ত লয় পাইলটে।
ভাইৰেল ভিডিঅ’টোত দেখা যায় যে ৰেলৰ পৰা নামি আহি পাইলটজনে যুৱকজনক খেদি খেদি গালত এটা প্ৰচণ্ড চৰ শোধায়।
সুৰাৰ নিচাত চলন্ত ৰে’ল ৰখোৱা মাতাল যুৱকজনৰ এই কাণ্ডই এতিয়া সামাজিক মাধ্যমতো চৰ্চা লাভ কৰিছে।