নিউজ ডেস্কঃ আকৌ আৰক্ষীৰ খাকী পোছাকত কলংক দুৰ্নীতিগ্ৰস্ত এছআই ছাৰৰ।
এইবাৰ ঘোচ লৈ হাতে লোটে জালত পৰিল আন এগৰাকী আৰক্ষীৰ উপ-পৰিদৰ্শক।
দুৰ্নীতি নিবাৰক শাখাই উৎকোচ গ্ৰহণৰ সময়তে গ্ৰেপ্তাৰ কৰে গহপুৰ থানাৰ আৰক্ষী উপ-পৰিদৰ্শক ধীৰাজ নমশূদ্ৰক।
অভিযোগকাৰীক অপৰাধৰ গোচৰৰ পৰা মুক্ত কৰাৰ বাবদ ধন বিচাৰিছিল এছআই নমশূদ্ৰই।
বৃহস্পতিবাৰে সেই ধন গ্ৰহণৰ সময়তে দুৰ্নীতি নিবাৰক শাখাই হাতে-লোটে গ্ৰেপ্তাৰ কৰে আৰক্ষী বিষয়াজনক।
উল্লেখ্য যে, একেদিনাই বৰমা ৰাজহ চক্ৰ বিষয়াৰ কাৰ্যালয়ৰ এজন লাট মণ্ডলকো ঘোচ লোৱাৰ সময়তে গ্ৰেপ্তাৰ কৰিছিল দুৰ্নীতি নিবাৰক শাখাই।