নিউজ ডেস্ক। এক মৰ্মান্তিক দৃশ্য। বিদ্যুৎস্পৃষ্ট হৈ মৃত্যু হোৱা হাতী পোৱালিক জীয়াই তােলাৰ চেষ্টা মাতৃৰ।
তিনি বছৰীয়া হাতী পোৱালিৰ মাতৃয়ে মৃত সন্তানক পুনৰ প্ৰাণ পাই উঠাৰ আশাত পুনৰুজ্জীৱিত কৰিবলৈ চেষ্টা কৰা দেখা গৈছে এক ভিডিঅ’ত।
হৃদয় বিহ্বল কৰা যিটো ভিডিঅ’ দেখি বৰ্তমান সকলোৰে হৃদয়ে ক্রন্দন কৰিছে।
এই ঘটনা মংগলবাৰে পুৱা সংঘটিত হয় কেৰালাৰ পালাক্কাড জিলাৰ মালামপুঝাৰ অৰণ্যত।
জানিব পৰা মতে, মৃত্যুৰ বাতৰি বিয়পি পৰাৰ পিছত বন বিভাগৰ বিষয়া, আৰক্ষী আৰু স্থানীয় বাসিন্দা ঘটনাস্থলীত উপস্থিত হয়।
যেতিয়া তেওঁলোক দুৰ্ঘটনাস্থলীত উপস্থিত হৈছিল, আন তিনিটা বনৰীয়া হাতীয়ে বিদ্যুৎস্পৃষ্ট হোৱা হাতী পোৱালিটোক পহৰা দি আছিল আৰু তাক ঠেলি দি উঠিবলৈ সংকেত দিয়া দেখা গৈছিল।
কৰ্তৃপক্ষই সন্দেহ কৰে যে হাতীটো বৈদ্যুতিক তাঁৰৰ সংস্পৰ্শলৈ আহিছিল আৰু বিদ্যুৎস্পৃষ্ট হৈছিল।
Tragic visuals from Kerala. A mother trying to revive her child, a 3-year-old elephant who died allegedly due to electrocution. pic.twitter.com/qOZt9DTbV8
— Sanyukta (@dramadhikari) November 17, 2021
বিভাগীয় বন বিষয়া (ডিএফঅ’) কুৰা শ্ৰীনিবাসে কয় যে, এডাল বিদ্যুৎ পৰিবাহী তাঁৰ আছিল, যি টাৱাৰৰ সৈতে সংযুক্ত আছিল। আৰু হাতীটো ইয়াৰ সংস্পৰ্শলৈ অহা বুলি সন্দেহ কৰা হৈছে।
অঞ্চলটোৰ বাসিন্দাসকলে কয় যে হাতীৰ এটা জাক এটা ব্যক্তিগত পাম্প হাউচত প্ৰৱেশ কৰিছিল। তেওঁলোকে অভিযোগ কৰে যে হাতী পোৱালীটোৱে পাম্প ঘৰৰ ভিতৰত তাঁৰ চোবাবলৈ চেষ্টা কৰিছিল, আৰু সেয়েহে বিদ্যুৎস্পৃষ্ট হৈছিল।
উল্লেখ্য যে বিভাগীয় কৰ্তৃপক্ষই বৰ্তমান তিনিটা বনৰীয়া হাতীক অৰণ্যলৈ স্থানান্তৰিত কৰিবলৈ চেষ্টা কৰি আছে। যাতে মৃত হাতীটোৰ মৰণোত্তৰ পৰীক্ষাৰ প্ৰক্ৰিয়া সম্পন্ন কৰিব পৰা যায়। ইয়াক সমাধিস্থ কৰাৰ ব্যৱস্থাও চলি আছে।
বিভাগে পাম্প হাউচৰ বৈদ্যুতিক সংযোগৰ বিষয়ে, চৰকাৰী নিয়ম অনুসৰণ কৰাটো নিশ্চিত কৰিবলৈ আৰু কোনো ত্ৰুটি আছে নেকি পৰীক্ষা কৰিবলৈ জানিবলৈ এক তদন্তৰ নিৰ্দেশ দিয়ে।