নিউজ ডেস্ক। ভগা চিঙা ধাতুৰে মহাৰাষ্ট্ৰৰ এজন ব্যক্তিয়ে নিৰ্মান কৰি উলিয়াইছে এখন চাৰিচকীয়া বাহন।
ব্যক্তিজনৰ এই কৰ্মৰ এটা ভিডিঅ’ টুইটাৰত শ্বেয়াৰ কৰিছে মহিন্দ্ৰা গ্ৰুপৰ অধ্যক্ষ আনন্দ মহিন্দ্ৰাই।
গাড়ী নিৰ্মাণৰ কোনো আনুষ্ঠানিক শিক্ষা নথকা দত্তাত্ৰয়া লোহাৰ নামৰ ব্যক্তিজনে পেলনীয়া লোহা আৰু অন্য সামগ্ৰীৰে মহিন্দ্ৰা কোম্পানীৰ বলেৰ’ সদৃশ বাহনখন নিৰ্মান কৰি উলিয়ায়।
This clearly doesn’t meet with any of the regulations but I will never cease to admire the ingenuity and ‘more with less’ capabilities of our people. And their passion for mobility—not to mention the familiar front grille pic.twitter.com/oFkD3SvsDt
— anand mahindra (@anandmahindra) December 21, 2021
এটা ইউটিউব চেনেলত দিয়া সাক্ষাৎকাৰত তেওঁ এই বাহনখন নিজৰ পুত্ৰৰ বাবে নিৰ্মান কৰা বুলি জানিবলৈ দিয়ে।
ভিডিঅ’টো শ্বেয়াৰ কৰি মহিন্দ্ৰা গ্ৰুপৰ অধ্যক্ষ আনন্দ মহিন্দ্ৰাই দত্তাত্ৰয়া লোহাৰৰ সৃষ্টিশীলতাৰ প্ৰশংসা কৰে। কম সামৰ্থৰ ভিতৰত এনে সৃষ্টি শলাগিবলগীয়া বুলিও মন্তব্য কৰে আনন্দ মহিন্দ্ৰাই।
Local authorities will sooner or later stop him from plying the vehicle since it flouts regulations. I’ll personally offer him a Bolero in exchange. His creation can be displayed at MahindraResearchValley to inspire us, since ‘resourcefulness’ means doing more with less resources https://t.co/mibZTGjMPp
— anand mahindra (@anandmahindra) December 22, 2021
আনহাতে দত্তাত্ৰয়া লোহাৰক ব্যক্তিগতভাৱে এখন বলেৰ’ উপহাৰ দিয়া হব বুলিও ঘোষণা কৰে আনন্দ মহিন্দ্ৰাই।
তেওঁ লগতে মহিন্দ্ৰা ৰিচাৰ্ছ ভেলীত তেওঁৰ এই সৃষ্টি প্ৰদৰ্শিত কৰাৰ ব্যৱস্থা লব বুলিও সদৰী কৰে।