নিউজ ডেস্ক। পুনৰ বিপদত পৰিল এটা বনৰীয়া হাতী পােৱালি।
বনাঞ্চলৰ সমীপতে এটা পৰিত্যক্ত কুঁৱাত আবদ্ধ হৈ পৰিল হাতী পােৱালিটাে। জীৱন্তে উদ্ধাৰৰ বাবে তৎপৰতাৰে নামি পৰিল বন বিভাগ তথা স্থানীয় লােক।
হাতী পোৱালিটােক উদ্ধাৰৰ ভিডিঅ’ সম্প্ৰতি বিয়পি পৰিছে ছ’চিয়েল মিডিয়াত।
এই ঘটনাটো শনিবাৰে সংঘটিত হৈছে উৰিষ্যাৰ ময়ুৰগঞ্জত।
ভিডিঅ’টোত দেখা অনুসৰি এটা কুঁৱাত সোমাই পৰা হাতী পোৱালি এটাক জেচিবিৰ সহায়ত উদ্ধাৰ কৰে বন বিভাগৰ দলে।
জানিব পৰা মতে, শুকুৰবাৰৰ নিশা ঘূৰি ফুৰোতে হাতী পোৱালিটো সোমাই পৰে ১৫ ফুট গভীৰ এক পৰিত্যক্ত কুঁৱাত।
শনিবাৰে পুৱা স্থানীয় লোকে কুঁৱাৰ ভিতৰত হাতীৰ মাত শুনি সেই দৃশ্য প্ৰত্যক্ষ কৰে। লগে লগেই স্থানীয় লোকে খবৰ দিয়ে বন বিভাগক। সেই অনুসৰি ঘটনাস্থলীত উপস্থিত হয়হি বন বিভাগৰ এটা দল।
#Elephant calf #rescued from a dug well today morning in Suliapada Section of Deuli RangeThanks to @OdishaFS_HGs_CD for timely help in operation. Now Calf is reunited with the herd. Instructed the field staff to close such abandoned wells.@PCCFWL_Odisha @CircleRccf @DM_Mayurbhanj pic.twitter.com/tAkMwdWKJE
— DFO Baripada (T) (@BaripadaT) April 10, 2021
উন্নত যন্ত্ৰৰ সহায়ত বন বিভাগে হাতীটো উদ্ধাৰ কৰিবলৈ চেষ্টা কৰে। লগতে এখন জেচিবিৰ সহায়ত কুঁৱাটো বহলকৈ খান্দে বিভাগে আৰু পদ্ধতিগত ভাৱে পোৱালিটোক ৰছীৰে বান্ধি সফলতাৰে উদ্ধাৰ কৰিবলৈ সক্ষম হয়।
#WATCH | An elephant calf was rescued from a 15-feet deep well at a village in Mayurbhanj district of Odisha on Saturday.
— ANI (@ANI) April 10, 2021
“The calf fell into the well while it was roaming in the area on Friday night,” said Rabi Narayan Mohanty, Range Officer, Deuli Forest Range. pic.twitter.com/TPIrWN52Ti
এই সন্দৰ্ভত দেওলি বনাঞ্চলৰ বনাঞ্চলিক বিষয়া ৰবি নাৰায়ন মোহন্তিয়ে কয়, “পোৱালিটো শুকুৰবাৰে নিশা সেই অঞ্চলত ঘূৰি ফুৰোতে কুঁৱাটোত সোমাই পৰে। পোৱালিটো সেই অঞ্চলত ঘূৰি ফুৰাৰ খবৰ আমি লাভ কৰিছিলো। আমি লগে লগেই ঘটনাস্থলীলৈ আহো আৰু স্থানীয় অগ্নি নিৰ্বাপক বাহিনীৰ সহযোগত হাতী পোৱালিটো উদ্ধাৰ কৰো।”
লগতে চাওকঃ
ATM ৰ কােঠালিত ভিতৰত অধ্যয়ন নিৰাপত্তা ৰক্ষীৰ, IAS বিষয়াৰ প্ৰেৰণাদায়ক ফটাে ভাইৰেল
