নিউজ ডেস্ক। ৰাজ্যৰ অন্যান্য জিলাসমূহৰ লগতে গুৱাহাটী মহানগৰীতাে অব্যাহত আছে শিল, বালি, মাটি কঢ়িওৱা একাংশ ট্ৰাক-ডাম্পাৰ চালকৰ সন্ত্ৰাস।
এনে একাংশ উদণ্ড চালকৰ বাবে নিতৌ সংঘটিত হৈছে বহু পথ দুৰ্ঘটনা।
এইবাৰ মহানগৰীৰ সাতগাঁও অঞ্চলত এটা তীব্ৰবেগী ডাম্পাৰে মহটিয়াই নিলে বাইক।
![](https://i0.wp.com/informerne.com/wp-content/uploads/2022/06/1-1.jpg?resize=720%2C706&ssl=1)
শনিবাৰে নিশা সংঘটিত এই দুৰ্ঘটনাত বিজেপিৰ এগৰাকী দলীয় যুৱনেতাৰ শােকাৱহ মৃত্যু ঘটে।
নিহত যুৱ-নেতাগৰাকীৰ নাম ধুনুমণি বৰ্মন বুলি জানিব পৰা গৈছে।
তেওঁ বিজেপিৰ যুৱ মৰ্চাৰ দিছপুৰ মণ্ডলৰ কোষাধ্যক্ষৰ পদত আছিল।
![](https://i0.wp.com/informerne.com/wp-content/uploads/2022/06/photo_2022-06-12_12-02-57.jpg?resize=900%2C468&ssl=1)
শনিবাৰে নিশা নাৰেংগীৰ পাথৰকুৱেৰীত অনুষ্ঠিত দলীয় সভাত অংশ লৈ সাতগাঁওস্থিত নিজ ঘৰলৈ বাইকেৰে আহি থকা অৱস্থাত নিশা প্ৰায় ১২ বজাত এই দুৰ্ঘটনা সংঘটিত হয়।
![](https://i0.wp.com/informerne.com/wp-content/uploads/2022/06/photo_2022-06-12_11-57-55.jpg?resize=606%2C603&ssl=1)
দুৰ্ঘটনা সংঘটিত হোৱাৰ পিছতে ঘটনাস্থলৰ পৰা পলায়ন কৰে ডাম্পাৰখনৰ চালকজন।
দলৰ যুৱনেতাগৰাকীৰ এনে অকাল মৃত্যুত গভীৰ শােক প্ৰকাশ কৰিছে দলীয় নেতা-কৰ্মীসকলে।