নিউজ ডেস্ক। কিছুদিন পূৰ্বে অৰুণাচল প্ৰদেশৰ এখন চিৰিয়াখানাত চাফাইৰ কামত নিয়ােজিত অসমৰ এগৰাকী কৰ্মচাৰী পিঞ্জৰাবদ্ধ বাঘৰ আক্ৰমণত মৃত্যুৰ পাছতে এইবাৰ অনুৰূপ ধৰণে পিঞ্জৰাবদ্ধ ফেঁটী সাপৰ দংশনত চিৰিয়াখানাৰ কৰ্মচাৰীৰ ঘটনা সংঘটিত হৈছে কেৰেলাত।
![](https://i0.wp.com/informerne.com/wp-content/uploads/2021/07/G2.jpg?resize=889%2C458&ssl=1)
জানিব পৰা মতে, বৃহস্পতিবাৰে তিৰুৱনন্তপুৰম চিৰিয়াখানাৰ এজন কৰ্মীক চিৰিয়াখানাখনৰ এটা ৰজা ফেঁটী সাপে দংশন কৰাৰ ফলত মৃত্যুবৰণ কৰে।
কৰ্মীজনে দুপৰীয়া সাপৰ পিঞ্জৰা পৰিষ্কাৰ কৰি থকা সময়ত তেওঁক দংশন কৰে সাপে। কৰ্মীজনৰ নাম হৰ্ষদ (৪৫) বুলি জানিব পৰা গৈছে।
জানিব পৰা মতে, পিঞ্জৰাটোত আছিল তিনিটা ৰজা ফেঁটী, যিবোৰ পিছফালৰ পিঞ্জৰাত ৰখা হৈছিল। দুজন লোকক পিঞ্জৰা পৰিষ্কাৰ কৰাৰ দায়িত্ব দিয়া হৈছিল। সেই দুজনৰ ভিতৰত এজন আছিল হৰ্ষদ। অৱশ্যে, কভিড-১৯ ৰ বাবে চিৰিয়াখানাত কেৱল কম সংখ্যক কৰ্মচাৰীহে আছিল।
আন কৰ্মচাৰীসকলৰ মতে, কামোৰাৰ পিছতে হৰ্ষদে চিঞৰি চিঞৰি পিঞ্জৰাৰ দুৱাৰত খুন্দা মাৰিছিল। যেতিয়া আন কৰ্মচাৰীসকল তেওঁৰ ওচৰ পায়, তেতিয়া তেওঁ মজিয়াত পৰি আছিল।
ততাতৈয়াকৈ তেওঁক তিৰুৱনন্তপুৰম চিকিৎসা মহাবিদ্যালয় আৰু চিকিৎসালয়লৈ লৈ যোৱা হৈছিল যদিও তেওঁক মৃত ঘোষণা কৰা হৈছিল। যিহেতু ঘটনাটো দুপৰীয়াৰ আহাৰৰ সময়ত সংঘটিত হৈছিল। সেয়েহে আশে পাশে বেছি কৰ্মচাৰী নাছিল।
খবৰ অনুসৰি, হৰ্ষদক কামোৰা ৰজা ফেঁটীটো কেইমাহমান পূৰ্বে মাংগালুৰুৰ পৰা তিৰুৱনন্তপুৰমলৈ অনা হৈছিল। হৰ্ষদ প্ৰায় ২০ বছৰ ধৰি চিৰিয়াখানাৰ কৰ্মচাৰী আছিল আৰু সাপৰ প্ৰতিপালনত ভালদৰে অভিজ্ঞ আছিল। তেওঁ জন্তুৰ চাৰিওফালে ডাঙৰ-দীঘল হৈছিল। কিয়নো তেওঁৰ পৰিয়ালে এটা পথৰ চাৰ্কাচ চলাইছিল।
সংগ্ৰহালয় আৰক্ষী থানাৰ বিষয়াসকলে ঘটনাস্থলী পৰিদৰ্শন কৰে আৰু ঘটনাৰ তদন্ত আৰম্ভ কৰে। আৰক্ষীয়ে জনোৱা অনুসৰি, মৰণোত্তৰ পৰীক্ষাৰ পিছত ২ জুলাইত তেওঁৰ মৃতদেহ তেওঁৰ পৰিয়ালক চমজাই দিয়া হ’ব।
হৰ্ষদে ২০১৫ চনতো আহিছিল বাতৰিলৈ। তেওঁ ২০০২ চনত তিৰুৱন্তপুৰম চিৰিয়াখানাত ঠিকাভিত্তিক কৰ্মচাৰী হিচাপে যোগদান কৰিছিল। কিন্তু দীৰ্ঘদিন ধৰি চুক্তিৰ পিছতো চৰকাৰে তেওঁক স্থায়ী পদত নিযুক্তি নিদিয়াত তেওঁ ২০১৫ চনত নিজকে ৰজা ফেঁটীৰ পিঞ্জৰাৰ ভিতৰত বন্দী কৰি ৰাখি প্ৰতিবাদ কৰিছিল। আৰু তাৰ পিছতেই তেওঁক চৰকাৰে স্থায়ী পদত নিযুক্তি দিছিল।
উল্লেখ্য যে, ৰজা ফেঁটী হৈছে পৃথিৱীৰ আটাইতকৈ দীঘল প্ৰজাতিৰ বিষাক্ত সাপ। এই সাপৰ বিষ অত্যাধিক বিষাক্ত। যিয়ে এটা কামোৰেৰে ২০ জন পৰ্য্যন্ত লোকক হত্যা কৰিব পাৰে।