দ্ৰুত গতিত আহি থকা ৰে’লৰ আগেৰে বাইক চলাই পাৰ হ’বলৈ গৈ অথন্তৰ! কেমেৰাত বন্দী সমগ্ৰ দৃশ্য

নিউজ ডেস্ক। এফালৰ পৰা দ্ৰুত গতিত আহি আছে এখন ৰে’ল। ৰেলপথ আৰু ৰাজপথৰ ক্ৰচিংত ষ্টেচন মাষ্টৰে পেলাই দিছে গেট।

তথাপিও কিন্তু অলপ সময় ৰ’বলৈও ধৈৰ্য নাই বহুতৰ। চেষ্টা কৰিছে পাৰাপাৰ হ’বলৈ। যেন সময় অপব্যয় কৰাটো তেওঁলোকৰ বাবে বহুত ডাঙৰ কথা।

তেনেতে ৰ’বলৈ সময় নোহোৱা দুজনমানে নিজৰ জীৱনক ধেমালি হিচাপে লৈ দৌৰি পাৰ হৈ গ’ল ৰেলপথ।

আনফালৰ পৰা এজনে পেলাই থোৱা গেট পাৰ হৈ পালেগৈ ৰেলপথৰ কাষ। ছেকেণ্ডৰ ভিতৰতে দ্ৰুত গতিত আহি পালে ৰে’লখন।

যুৱকজন বাহনখনৰ পৰা নামি পিছুৱাই আহিলে। কিন্তু ৰে’লখনত লাগি চুৰ্ণ-বিচূৰ্ণ হ’ল বাহনখন। এক সম্ভাৱ্য মৃত্যুৰ পৰা কথমপি উভতি আহিল যেন যুৱক জন।

Smithereens…bike and train!😊😊😊 pic.twitter.com/3IGwtGHDLI
— Rajendra B. Aklekar (@rajtoday) January 27, 2021

এই ঘটনাটো সংঘটিত হৈছে অন্ধ্ৰ প্ৰদেশৰ ৰাজামুন্দ্ৰীৰ পশ্চিম গোদাবৰীত।

অসচেতন হোৱাৰ বাবেই এই ঘটনা সংঘটিত হ’বলৈ পালে। চিচি টিভি কেমেৰাত বন্দী হোৱা ৩০ ছেকেণ্ডৰ এই দৃশ্য বৰ্তমান ভাইৰেল হৈ পৰিছে সামাজিক মাধ্যমত।

লগতে চাওকঃ